موضوع: كلاص رائع من مطبخي وبصوري السبت يوليو 31, 2010 10:56 pm
المقادير:
. باكية غبرة كريم شانتيي . حك ديال نيسلي . كاس دانون فاني (من الاحسن يكون كريمي) . نصف لتر حليب يكون بارد مزيان قريب يجمد للتزيين:
ملعقة صغيرة نيسكافي مذوبة في ملعقة حليب او ماء شكلاط غبرة لوز و بيسطاش محمرين و مهرمشين الطريقة موضحة بالصور: نديرو الحليب بارد مع غبرة شانتيي و نطربو مزيان بالباطور حتى يعقد الخليط مزيان (عشرة دقائق او اكثر حسب برودة الجو
منين كتطلع لاكريم كنبداو نزيدو نيسلي مع التطراب والخليط كيزيد يطلع و يعقد
ثم كنزيدو دانون ملعقة ملعقة مع التطراب وكنحصلو على خليط بحال هكذا
من بعد كنقسموه على ثلاثة واحد كنزيدو ليه نيسكافي و كنخلطو مزيان بالباطور حتى ينسجم الخليط و واحد كيبقى عادي و واحد كنزيدو ليه شكلاط غبرة حسب اللون اللي بغينا
وكنديرو الطبقة الاولى فالمول و نسرحوها
وكنديرو فوقها لوز مهرمش وبيسطاش ونديرو طبقة طبقة بيضاء و نديرو اللوز ثم طبقة الشكلاط و نزين الفوق حسب الرغبة اما بفيرميسال شكلاط او ملونة او شكلاط محكوك
منين كنساليو الطبقات كنغطيو الكلاص بورق المنيوم وندخلوه للمجمد من الاحسن نديروه من الليل للصباح ثم يقطع حسب الرغبة ويقدم
نسبة للوز والبيسطاش يمكن نستغناو عليهم و كيجي زوين بلا بيهم و نصيحة باش يطلع الكلاص مزيان الا كان الجو سخون خاص الحليب يكون بارد مزيان (انا شي مرات كيكون عندي جامد وكنديرو فالاناء اللي غدي نطرب فيه حتى يتطلق) وحتى نيسلي و دانون يكونو فالثلاجة من قبل
