الصبايا اللي وجهن بيضاوي كتيير محظوظات ! لأنه وجهن مناسب لكل أنواع المكياج
والقصات ولكل أنواع الشعر المتموج, المالس, الكامل, الطويل , القصير .
وممكن تختارالمكياج و القصة اللي بدها إياها ليكون عندها اللوك الفريد وتتميز فيه عن باقي الصبايا!
الوجه المربع
جربي تختاري قصة شعر اللي بتغطي شكل وجهك المربع. الشعر لازم يصل ويتعدى
الكتف, إذا كان شعرك قصير القصة لازم تكون مدورة وعالية, أما إذا كنت من
الصبايا اللي بتحب ترفع شعرها, جربي دايما تنزلي أكم خصلة على أطراف وجهك.
تذكري أن القصة اللي على الجبين بتزيد من الاتساع مابين العينين, ورفع القصة إلى أعلى بيعطي توازن كتير منيح على منطقة الأنف.
الوجه الدائري
جربي تغطي على شكل وجهك الدائري في انك ترفعي شعرك بطريقة عالية أو انك
تقصيه بطريقة مدرجة وانه خصلات شعرك تغطي القسم الجانبي من وجهك.
الوجه اللي بشبه شكل الماسة
أفضل نصيحة لصاحبة هاد الوجه انه تكون قصة شعرك دائرية وان تكون القصة عريضة على الجبين عشان تعطيكي الشكل البيضاوي.
الوجه المستطيل
صاحبة هذا الوجه لازمها قصة طويلة وكاملة ولازم يوصل الشعر للكتف و كمان مننصحك تعملي غرة اللي بتلامس الحواجب لتصغير حجم وجهك.
من كل النصائح اللي ذكرناها فوق ببقى الاختيار إلك ,خدي بعين الاعتبار انه
نوعية وكثافة شعرك بتأثر كمان على هيك قرار.. بس كوني متأكدة انه شو ما
عملتي بيضل القالب غالب .